Author: admin

Инсонпарварлик тамойили асосида 10 нафар маҳкум озодликка чиқарилди

Тўртинчи минтақавий ҳудуд 33-сон манзил колонияси бошлиғининг тақдимномаси Жиноят ишлари бўйича Муборак туман судининг раиси А.Қаҳҳоров раислигида ўтказилган суд мажлисида кўриб чиқилди.

Жиноят ишлари бўйича Муборак туман судининг 2021 йил 22 октябрдаги ажримига асосан Ўзбекистон Республикаси ЖКнинг 74 моддаси билан 9 нафар маҳкумнинг ўталмай қолган озодликдан маҳрум қилиш жазоси енгилроқ жазо турига алмаштирилди.

Ўзбекистон Республикаси ЖКнинг 73-моддасига асосан 1 нафар фуқаро шартли равишда муддатидан илгари озод қилинди.

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят суд органлари масъуллари томонидан Қамаши туманида сайёр қабул ташкил этилди

Фуқароларнинг суд-ҳуқуқ соҳасидаги мурожаатларига самарали ечим топиш мақсадида Қашқадарё вилоят суд органлари томонидан Қашқадарё вилоятининг чекка ҳудудларида сайёр қабуллар ташкил этиб келинмоқда. Ана шундай сайёр қабуллардан навбатдагиси Қамаши туманида ташкил этилди.

Бугунги     кунда инсон манфаатларини таъминлаш учун аввало, одамлар билан, халқ билан мулоқот қилиш, уларнинг дарду ташвишлари, орзу-ниятлари, ҳаётий муаммо ва эҳтиёжларини яхши билиш лозимлигига алоҳида аҳамият қаратилмоқда. Ҳудудларда ҳуқуқий жиҳатдан кўмакка муҳтож бўлган фуқароларни қийнаб келаётган муаммоларини аниқлаб, жойида ижобий ҳал этиш, уларга зарур ҳуқуқий ёрдам кўрсатиш мақсадида Қашқадарё вилоят судлари масъуллари томонидан вилоятимизнинг чекка ҳудуларида сайёр қабуллар ташкил этиб келинмоқда. Қабулларнинг навбатдагиси Қамаши туманида ўтказилди. Унда Қашқадарё вилоят судлари масъуллари томонидан фуқароларнинг суд-ҳуқуқ масаласига оид мурожаатлари тингланди.

Ташкил этилган сайёр қабулда суд қарорлари ва ажримлари билан боғлиқ масалаларда, турли ижтимоий-иқтисодий масалаларда ҳуқуқий маслаҳат ва кўмак сўраб келган фуқароларнинг мурожаатлари тингланди. Ҳар бир мурожаат атрофлича ўрганилиб, уларнинг ечимлари қонун талаблари асосида ҳал қилиниши мақсадида назоратга олинди. Қабул давомида жами 17 нафар фуқароларнинг мурожаатлари тингланиб, шундан 1 нафар фуқаронинг мурожаати ўз жойида ечимини топган бўлса, 4 нафар фуқаронинг мурожаати назоратга олинди. 12 нафар фуқаронинг мурожатлари юзасидан ҳуқуқий тушунтиришлар берилди.

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари раислари ва ўринбосарлари томонидан Чироқчи туманида сайёр қабул ўтказилди

Қашқадарё вилоят судлари томонидан вилоятимизнинг чекка ҳудудларида яшовчи фуқароларнинг суд-ҳуқуқ соҳасидаги муаммоларини ўрганиш ва уларнинг ечимини топишга қаратилган сайёр қабуллар мунтазам ўтказиб келинмоқда. Ана шундай сайёр қабуллардан навбатдагиси Чироқчи тумани Кўкдала маҳалла фуқаролар йиғинида ташкил этилди. Унда Қашқадарё вилоят суди раиси Абдуқаюм Маҳкамов, Қашқадарё вилоят Маъмурий раиси Холис Муҳамедов ва Қашқадарё вилоят суди раиси ўринбосарлари иштирок этишди.

Кўкдалада ташкил этилган сайёр қабулда асосан меҳнат низолари,  оилавий низолари ва турли соҳалардаги муаммолари бўйича ҳуқуқий ёрдам сўраб қилган 26 нафар фуқароларнинг мурожаатлари ўрганилди. Шундан 3 нафар фуқароларнинг мурожаатлари ижобий ҳал этилди. 3 нафар фуқароларнинг мурожаатлари назоратга олинди, 14 нафар фуқарога ҳуқуқий тушунтиришлар берилди. Сайёр қабул доирасида Жиноят ишлари бўйича Чироқчи туман судининг сайёр мажлиси ўтказилиб, МЖтКнинг тегишли моддаларига асосан маъмурий баённома расмийлаштирилган 4 та маъмурий иш кўриб чиқилиб, томонларнинг ўзаро ярашганликлари сабабли МЖтКнинг 21-моддасига асосан ишлар тугатилиб 6 нафар фуқаро жавобгарликдан озод қилинди.

Инсон шаъни, қадр-қиммати улуғланган юртда ҳар бир фуқаронинг мурожаати беэътибор қолмайди. Ташкил этиб келинаётган сайёр қабуллар эса ушбу ҳақиқатнинг амалдаги ифодасидир. Вилоятимизнинг чекка ҳудудлари бўйлаб Қашқадарё вилоят судлари раислари ва ўринбосарлари иштирокидаги сайёр қабуллар давом этади.

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари раислари ва ўринбосарлари иштирокида Китоб туманида сайёр қабул бўлиб ўтди

Қашқадарё вилоят судлари раислари ва ўринбосарлари томонидан вилоятимизнинг чекка ҳудудлари бўйлаб фуқароларнинг суд-ҳуқуқ соҳасидаги муаммоларини ўрганиш ва уларга ечим излашга қаратилган сайёр қабуллар давом этмоқда. Навбатдаги сайёр қабул Китоб туманида ташкил этилди.

Сайёр қабулда Қашқадарё вилоят суди раиси Абдуқаюм Маҳкамов, Қашқадарё вилоят маъмурий суд раиси Холис Муҳамедов ва вилоят суди раиси ўринбосарлари иштирок этишди. Қабул давомида фуқароларнинг суд қарорлари ва ажримлари билан боғлиқ бўлган мурожаатлари, турли ижтимоий-иқтисодий масалаларда ҳуқуқий маслаҳат ва кўмак сўраб келган фуқароларнинг мурожаатлари тингланди.

Сайёр қабулда жами 21 нафар фуқароларнинг мурожаатлари тингланди. 1 нафар фуқаронинг аризаси суд ходимлари томонидан қабул қилиниб, ижроси назоратга олинди, 3 нафар фуқаронинг мурожаати ўз жойида ечимини топди, 17 нафар фуқарога ҳуқуқий маслаҳатлар берилди.

Шуни таъкидлаш ўринлики, тўғридан-тўғри бўлиб ўтаётган бундай мулоқотларда аҳолини қизиқтирган турли соҳалар бўйича ҳуқуқий кўмак сўраб келган фуқароларнинг саволларига асослантирилган тушунтиришлар берилиб, келгусида келиб чиқиши мумкин бўлган низоларнинг олди олинмоқда.

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят суди томонидан суд фахрийлари билан учрашув ташкил этилди

Хонадонимиз файзи ҳисобланган отахон ва онахонларимизнинг ёш авлод тарбияси, унинг маънавий жиҳатдан шаклланишидаги ўрни жуда муҳим аҳамиятга эга. Шунинг учун ҳам кекса авлод вакиллари давлатимиз ва жамиятимизнинг доимий диққат ва эътиборида.

Қашқадарё вилоят суди томонидан суд фахрийлари билан учрашув ташкил этилди. Учрашувга узоқ йиллар давомида суд тизимида фаолият олиб борган бир гуруҳ суд фахрийлари таклиф этилди.

Бир пиёла чой устида бўлиб ўтган ширин суҳбат ташриф буюрган суд фахрийларининг узоқ вақтлар хотирасида қолишига шубҳа йўқ.

Учрашув чоғида соҳа фидойилари ўзларининг машаққатларга бой меҳнат фаолияти давомидаги ширин хотиралари билан ўртоқлашишди. Марҳумларни ёдга олишди, уларнинг қилган эзгу ишларини эслашди. Тадбир чиройли куй-қўшиқ ва рақсларга уланиб кетди.

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари раислари ва ўринбосарлари иштирокида Яккабоғ туманида сайёр қабул бўлиб ўтди

Қашқадарё вилоят судлари раислари ва ўринбосарлари томонидан ҳудудлар бўйлаб фуқароларнинг суд-ҳуқуқ соҳасидаги муаммоларини ўрганиш ва уларга ечим излашга қаратилган сайёр қабуллар ўтказиб келинмоқда. Навбатдаги сайёр қабул Яккабоғ туманида туманида ташкил этилди.

Ташкил этилган сайёр қабулда Қашқадарё вилоят суди раиси Абдуқаюм Маҳкамов, Қашқадарё вилоят маъмурий суд раиси Холис Муҳамедов ва вилоят суди раиси ўринбосарлари иштирок этишди. Бўлиб ўтган сайёр қабулда фуқароларнинг суд қарорлари ва ажримлари билан боғлиқ бўлган мурожаатлари, турли ижтимоий-иқтисодий масалаларда ҳуқуқий маслаҳат ва кўмак сўраб келган 20 нафар фуқароларнинг мурожаатлари тингланди. 4 нафар фуқаронинг аризаси суд ходимлари томонидан қабул қилиниб, ижроси назоратга олинди, 5 нафар фуқаронинг мурожаати ўз жойида ечимини топди, 10 нафар фуқарога ҳуқуқий маслаҳатлар берилди. 1 нафар фуқаро суд тизимига миннатдорчилик хати билан иштирок этди.

Сайёр қабул давомида туман ИИБ тақдимномасига асосан Жиноят ишлари бўйича Яккабоғ туман суди томонидан 3 нафар маҳкумнинг ишлари очиқ сайёр суд мажлисида кўриб чиқилиб, уларга нисбатан тайинланган озодликдан чеклаш ва ахлоқ тузатиш жазоларининг ўталмай қолган қисмидан муддатидан илгари шартли равишда озод этилди.

Қашқадарё вилоят суди жамоатчилик ва ОАВ билан алоқалар бўлими

Шаҳрисабз туманида Қашқадарё вилоят судлари раислари ва ўринбосарлари иштирокида сайёр қабул ташкил этилди

Жиноят ва ҳуқуқбузарликлар, никоҳдан ажрашиш, тадбиркорлик субъектлари иштирокидаги низолар ҳамда фуқароларнинг мурожаатлари кўпайган ҳудудларда профилактика ишларини  жонлантириш мақсадида Қашқадарё вилоят судлари раислари ва ўринбосарлари иштирокида олис қишлоқ, маҳалла ва овулларда сайёр қабуллар ўтказиб келинмоқда. Ана шундай сайёр қабуллардан навбатдагиси Шаҳрисабз тумани Қўшқанот маҳалла фуқаролар йиғинида ташкил этилди.

Сайёр қабулда Қашқадарё вилоят суди раиси Абдуқаюм Маҳкамов, Қашқадарё вилоят Маъмурий суди раиси Холис Муҳамедов ва Қашқадарё вилоят суди раиси ўринбосарлари иштирок этишди.

Бўлиб ўтган сайёр қабулда фуқароларнинг суд қарорлари ва ажримлари билан боғлиқ бўлган мурожаатлари, турли ижтимоий-иқтисодий масалаларда ҳуқуқий маслаҳат ва кўмак сўраб келган 15 нафар фуқароларнинг мурожаатлари тингланди. 5 нафар фуқаронинг аризаси суд ходимлари томонидан қабул қилиниб, ижроси назоратга олинди. 1 нафар фуқаронинг мурожаати жойида ўз ечимини топди. 9 нафар фуқарога ҳуқуқий маслаҳатлар берилди.

Сайёр қабул доирасида вилоят суди раислари ва туман фаоллари билан очиқ мулоқот ҳам ўтказилиб, уларга суд-ҳуқуқ соҳасидаги ислоҳотлар ҳамда фуқароларнинг ҳуқуқлари ва эркинликларини янада изчил ва самарали муҳофаза қилиш юзасидан тушунтиришлар берди.

Қашқадарё вилоят суди жамоатчилик ва ОАВ билан алоқалар бўлими

Узоқ йиллар давомида суд тизимида самарали фаолият юритган Парда Эшматов “Суд фахрийси” кўкрак нишони билан тақдирланди

Ўзбекистон Республикаси Судьялар олий кенгашининг 2021 йил 27 августдаги 1610-сонли қарори билан узоқ йиллар давомида суд тизимида фаолият юритган суд фахрийси Эшматов Парда Раҳимович “Суд фахрийси” кўкрак нишони билан тақдирланди. Шу муносабат билан Қашқадарё вилоят судида Парда Эшматовга “Суд фахрийси” кўкрак нишонини топшириш маросими бўлиб ўтди.

Тадбирда Қашқадарё вилояти суди судьялари ва суд ходимлари иштирок этишди. Тадбирни Қашқадарё вилоят суди раиси Абдуқаюм Маҳкамов олиб борди.

Ўзбекистон Республикаси Президентининг 2020 йил 7 декабрдаги “Судьяларнинг чинакам мустақиллигини таъминлаш ҳамда суд тизимида коррупциянинг одини олиш самарадорлигини ошириш чора-тадбирлари тўғрисида”ги ПФ-6127-сон Фармонида одил судловни амалга оширишда узоқ йиллар самарали меҳнат қилиб пенсияга чиққан судьялар учун “Суд фахрийси” кўкрак нишонини жорий этиш белгиланган.

Тадбирда сўз олганлар Парда Эшматовнинг суд тизимидаги узоқ йиллик самарали меҳнати, иносонийлик фазилатлари ва шогирдларига берган ўгитлари, панд-насиҳатлари ҳақида илиқ фикрлар айтишди.

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судида бир гуруҳ судьялар ва суд ходимларини «Ўзбекистон Республикаси мустақиллигининг 30 йиллиги» эсдалик нишони билан тақдирлаш маросими бўлиб ўтди

Тадбирда вилоятдаги барча судьялар ва суд ходимлари иштирок этишди. Тадбирни Қашқадарё вилоят суди раиси Абдуқаюм Маҳкамов олиб борди.

Тадбир давомида мамлакатимизда суд-ҳуқуқ соҳасида амалга оширилаётган ислоҳотлардаги фаол иштироки, жамиятда ҳуқуқий маданиятни юксалтириш борасидаги ҳуқуқий тарғибот ишларига катта ҳисса қўшаётган Қашқадарё вилоят судларида фаолият юритаётган судьялар ва суд ходимларининг фаолиятлари ҳақида илиқ фикрлар айтилди.

Абдуқаюм Маҳкамов барча судьялар ва суд ходимларини Ўзбекистон Республикаси Мустақиллигининг ўттиз йиллиги байрами муносабати билан муборакбод этар экан, уларнинг меҳнат фаолияти давомидаги ютуқларини ҳам эътироф этиб ўтди. Суд-ҳуқуқ тизимини демократлаштириш, одил судловнинг сифат ва самарадорлигини ошириш, судларнинг чинакам мустақиллигини таъминлаш, бир сўз билан айтганда, ушбу соҳадаги муҳим ислоҳотларни изчиллик билан амалга оширишдаги фаолиятларида уларга омад тилади.

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судида Президентимизнинг “Янги Ўзбекистон” газетаси бош муҳарририга берган интервьюси ҳамда жорий йилнинг 20 август куни тадбиркорлар билан ўтказган очиқ мулоқотига бағишланган Қашқадарё вилояти судьялари ва суд ходимлари иштирокида учрашув ташкил этилди

Давлатимиз раҳбарининг “Янги Ўзбекистон” газетаси бош муҳарририга берган интервьюси бугун кўпгина корхона ва ташкилотларда, таълим масканларида ва маҳаллаларда кенг ўрганилмоқда. Интервьюда тилга олинган йўналишлар орқали Янги Ўзбекистоннинг тараққиёт йўли ўзига хос тарзда белгилаб берилган. Юртимиз равнақи йўлида амалга оширилган ишлар, дуч келинган муаммо ва қийинчиликлар, эришилган муваффаққиятлар тилга олинган.

Яна бир муҳим воқелик, жорий йилнинг 20 август куни Президентимизнинг тадбиркорлар билан ўтказган очиқ мулоқотида ишбилармонлик  муҳитини янада ривожлантирилиши учун катта қулайликлар, имтиёзлар яратилди. Давлатимиз раҳбарининг очиқ мулоқоти  юртимиз тадбиркорлари томонидан илиқ кутиб олинди. Қашқадарё вилоят судида ўтказилган тадбир ҳам айнан Президентимизнинг “Янги Ўзбекистон” газетаси бош муҳарририга берган интервьюсининг мазмун-моҳияти ва Президентимизнинг тадбиркорлар билан ўтказган очиқ мулоқотига бағишланди. Тадбирни Қашқадарё вилоят судининг раиси Абдуқаюм Маҳкамов олиб борди. Тадбир давомида Қарши давлат университети ижтимоий фанлар кафедраси катта ўқитувчиларининг мавзу доирасидаги маърузалари ҳам тингланди.

Президентимиз ўз интервьюларида судлар фаолияти ҳақида тўхталар экан, “Аждодларимиз азалдан “Зулм қилма, инсофли бўл, халқ учун адолат қўрғонини бунёд эт”, деб ёш авлодга йўл-йўриқ кўрсатганлар. Биз ҳам суд-ҳуқуқ тизимини ислоҳ этишда ана шундай содда ва ҳаётий талаблардан келиб чиқдик. Хусусан, “Судьянинг онгида – адолат, тилида – ҳақиқат, дилида – поклик бўлиши керак” деган ғояни илгари сурдик ва амалга оширишни бошладик”, – деган фикрлари бугунги cуд-ҳуқуқ соҳасидада олиб борилаётган ислоҳотларнинг нечоғлик одилона амалга оширилаётганлигини ифодалайди. Ўтган қисқа давр мобайнида юртимизда одил судловни амалга ошириш, судларнинг шаффофлиги ва  чинакам мустақиллигини таъминлашда муваффаққиятли ишлар амалга оширилганлигини таъкидлаш ўринли.

Тадбир давомида ўтган йиллар давомида тадбиркорларга яратилган шароитлар, қўлланилган имконият ва переференциялар ҳам атрофлича таҳлил қилинди. Давлатимиз томонидан тадбиркорликни ривожлантириш учун яратиб берилаётган шароитлар, тадбиркорликни ривожлантиришга қаратилган бир қатор қарорлар, меъёрий ҳужжатлар қабул қилингалиги ҳам эътироф этиб ўтилди.

Мухтасар қилиб айтганда, мамлакатимизда нафақат суд-ҳуқуқ тизимини демократлаштириш, одил судловнинг сифат ва самарадорлигини оширишда, балки барча соҳада олиб борилаётган изчил ислоҳотлар аввало ҳалқ манфаатини кўзлаб амалга оширилаётганлиги билан муҳим аҳамият касб этади.

Тадбир якунида мамлакатимизда суд-ҳуқуқ соҳасида амалга оширилаётган ислоҳотлардаги фаол иштироки, жамиятда ҳуқуқий маданиятни юксалтириш борасидаги ҳуқуқий тарғибот ишларига қўшган салмоқли ҳиссаси учун Қашқадарё вилоят судларида фаолият юритаётган бир гуруҳ судьялар ва суд ходимлари Ўзбекистон Республикаси Мустақиллигининг ўттиз йиллиги байрами муносабати билан фахрий ёрлиқлар билан тақдирландилар. Уларнинг меҳнат фаолияти давомидаги ютуқлари эътироф этиб ўтилди.

Қашқадарё вилоят суди жамоатчилик ва ОАВ билан алоқалар бўлими