Qashqadaryo viloyat sudlari mutasaddilari ishtirokida Muborak tumanida sud-huquq masalalari bo‘yicha sayyor qabul tashkil etildi
Qashqadaryo viloyat sudlari mutasaddilari tomonidan jinoyat va huquqbuzarliklar, nikohdan ajratish, tadbirkorlik subyektlari ishtirokidagi nizolar hamda fuqarolarning murojaatlari ko‘paygan hududlarda profilaktika ishlarini jonlashtirishga qaratilgan sayyor qabullar muntazam o‘tkazib kelinmoqda.
Sud-huquq masalalari bo‘yicha o‘tkazib kelinayotgan ana shunday sayyor qabullarning navbatdagisi Muborak tumani “Qarliq” mahalla fuqarolar yig‘inida tashkil etildi.
Mazkur sayyor qabulda turli ijtimoiy-iqtisodiy masalalarda huquqiy maslahat va ko‘mak so‘rab kelgan 29 nafar fuqarolarning murojaatlari tinglandi. Har bir murojaat sud mas’ullari tomonidan atroflicha o‘rganilib, ko‘mak so‘rab kelgan fuqarolarga huquqiy maslahatlar berildi.
Qashqadaryo viloyat sudi jamoatchilik va OAV bilan aloqalar bo‘limi