Sudyalar ichki ishlar xodimlari uchun seminar o’tkazdi

Qashqadaryo viloyat sudi fuqarolik ishlari bo’yicha sudlov hay’ati tashabbusi bilan viloyat IIBda tashkil etilgan seminar mehnat munosabatlari va unga rioya etish mavzuida bo’lib o’tdi.

Unda viloyat sudi raisi o’rinbosari-fuqarolik ishlari bo’yicha sudlov hay’ati raisi Kamol Namazov ma’ruza qilib, O’zbekiston Respublikasi Mehnat kodeksining 160-moddasiga muvofiq xodim nomuayyan muddatga tuzilgan mehnat shartnomasini, shuningdek, muddati tugaguniga qadar muddatli mehnat shartnomasini bekor qilish va ishga tiklash haqidagi da’vo arizalari ko’rib chiqilish jarayonida ish beruvchi tomonidan yo’l qo’yilayotgan xato va kamchiliklar xususida to’xtalib o’tdi.

Seminarda ishtirok etgan fuqarolik ishlari bo’yicha sudyalar ma’ruza qilib, Mehnat kodeksining 157, 160, 161-moddalari talablari, shuningdek, xizmat tekshiruvi bilan bog’liq masalalar, mehnat intizomini buzganlik uchun ish beruvchi tomonidan xodimlarga nisbatan qo’llaniladigan va qo’llanilishi mumkin bo’lmagan jazo choralari to’g’risida batafsil ma’lumotlar berishdi.

Mansur Niymatov, fuqarolik ishlari bo’yicha Kasbi tumanlararo sudi sudyasi

Tergov sudyalari uchun seminar tashkil etildi

Ma’lumki, O’zbekiston Respublikasi Prezidentining “Tezkor-qidiruv hamda tergov faoliyatida shaxsning huquq va erkinliklarini ishonchli himoya qilish kafolatlarini yanada kuchaytirish chora-tadbirlari to’g’risida”gi Farmoniga asosan joriy yildan boshlab jinoyat ishlari bo’yicha sudlarda tergov sudyalari o’z faoliyatini boshlashdi. Qashqadaryo viloyatida faoliyatini boshlagan tergov sudyalari uchun videokonferensaloqa rejimida seminar tashkil etildi.

Unda viloyat sudi raisi o’rinbosari-jinoyat ishlari bo’yicha sudlov hay’ati raisi O’tkir Mamadaliev tergov sudyalarining vazifalari va majburiyatlari yuzasidan tushuntirishlar berib o’tdi.
Shuningdek, sudlarda pasportning (harakatlanish hujjatining) amal qilishini to’xtatib turish to’g’risidagi iltimosnomalarni ko’rib chiqish bilan bog’liq ishlarda e’tibor qaratilish lozim bo’lgan jihatlar xususida tegishli tavsiyalar berildi.

 

Qashqadaryo viloyat sudi jamoatchilik va OAV bilan aloqalar bo’limi

Skip to content