Қашқадарё вилоят судида судьялар, прокуратура ва ички ишлар органларининг тергов хизмати ходимлари иштирокида семинар машғулоти бўлиб ўтди

Қашқадарё вилоят судида “Дастлабки тергов ва суриштирув органлари томонидан жиноят ишларини юритишда хато ва камчиликларга йўл қўймаслик ва мавжудларини бартараф этиш” мавзусида семинар машғулоти бўлиб ўтди. Унда Қашқадарё вилоят судининг жиноят ишлари бўйича судьялари, прокуратура ва ички ишлар органларининг тергов хизмати ходимлари ҳамда шаҳар ва туманлардаги ходимлари эса онлайн тарзда иштирок этишди.

Тадбирда сўз олганлар жиноят процессида инсон ҳуқуқ ва эркинликларини тўла таъминлаш, жамият ва давлат манфаатларини, мулкни, табий муҳитни, инсоният хавфсизлигини жиноий тажовузлардан ҳимоялаш, жиноятларни тез ва тўлиқ очиш, жиноят содир этган ҳар бир шахсга адолатли жазо берилиши ҳамда айби бўлмаган ҳеч бир шахс жавобгарликка тортилмаслиги хусусида ўз фикр-мулоҳазаларини баён этишди.

Шунингдек қонунни амалиётга тўғри тадбиқ этишда дастлабки тергов ва суриштирув органлари томонидан йўл қўйилаётган хато ва камчиликлар муҳокама қилиниб, уларни бартараф этиш, келгусида бундай ҳолатларга йўл қуймаслик чора-тадбирларини белгилаб олиш ва судлар томонидан тергов ҳамда суриштирув органларига нисбатан чиқарилган хусусий ажримлар,  далиллар мақбуллиги ҳамда оқлов ҳукми чиқарилган ишлар муҳокама қилинди.

Семинар машғулоти якунида юқорида муҳокама этилган масалалар юзасидан тегишли манзилли чора-тадбирлар белгиланиб, масъуллар олдига аниқ вазифалар қўйилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари мутасаддилари иштирокида Муборак туманида суд-ҳуқуқ масалалари бўйича сайёр қабул ташкил этилди

Қашқадарё вилоят судлари мутасаддилари томонидан жиноят ва ҳуқуқбузарликлар, никоҳдан ажратиш, тадбиркорлик субъектлари иштирокидаги низолар ҳамда фуқароларнинг мурожаатлари кўпайган ҳудудларда профилактика ишларини жонлаштиришга қаратилган сайёр қабуллар мунтазам ўтказиб келинмоқда.

Суд-ҳуқуқ масалалари бўйича ўтказиб келинаётган ана шундай сайёр қабулларнинг навбатдагиси Муборак тумани “Қарлиқ” маҳалла фуқаролар йиғинида ташкил этилди.

Мазкур сайёр қабулда турли ижтимоий-иқтисодий масалаларда ҳуқуқий маслаҳат ва кўмак сўраб келган 29 нафар фуқароларнинг мурожаатлари тингланди. Ҳар бир мурожаат суд масъуллари томонидан атрофлича ўрганилиб, кўмак сўраб келган фуқароларга ҳуқуқий маслаҳатлар берилди.

 

Қашқадарё вилоят суди жамоатчилик ва ОАВ билан алоқалар бўлими

Қарши туманлараро иқтисодий суди судьялари томонидан семинар ташкил этилди

Қарши туманлараро иқтисодий суди судьялари ҳамда
Қарши шаҳар Давлат солиқ инспекцияси ходимлари иштирокида семинар ташкил этилди.

Мазкур семинар «Давлат органлари билан муносабатларда фуқаролар ва тадбиркорлик субъектлари ҳуқуқларининг самарали ҳимоя қилинишини таъминлаш буйича кўшимча чоралар кўрилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Ўзбекистон Республикаси Қонуни ва Ўзбекистон Республикаси Олий суди Пленумининг 2023 йил 20 февралдаги “Судлар томонидан солиқ қонунчилигини қўллашнинг айрим масалалари ҳақида”ги
4-сонли қарорига бағишланди.

Тадбирда иштирокчиларга Қонуннинг мазмун-моҳияти ва аҳамияти хусусида батафсил тушунтиришлар бериб ўтилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари мутасаддилари иштирокида Касби туманида суд-ҳуқуқ масалалари бўйича сайёр қабул ташкил этилди

Қашқадарё вилоят судлари мутасаддилари томонидан жиноят ва ҳуқуқбузарликлар, никоҳдан ажратиш, тадбиркорлик субъектлари иштирокидаги низолар ҳамда фуқароларнинг мурожаатлари кўпайган ҳудудларда профилактика ишларини жонлаштиришга қаратилган сайёр қабулларнинг навбатдагиси Касби тумани “Соҳибкор” маҳалла фуқаролар йиғинида ташкил этилди.

Мазкур сайёр қабулда турли ижтимоий-иқтисодий масалаларда ҳуқуқий маслаҳат ва кўмак сўраб келган 25 нафар фуқароларнинг мурожаатлари тингланди. Ҳар бир мурожаат суд масъуллари томонидан атрофлича ўрганилиб, кўмак сўраб келган фуқароларга ҳуқуқий маслаҳатлар берилди.

Сайёр қабул доирасида жиноят ишлари бўйича Касби туман судининг сайёр суд мажлиси ўтказилиб, унда вояга етмаган ёки меҳнатга лаёқатсиз шахсларни моддий таъминлашдан бўйин товлаш билан боғлиқ ишлар кўриб чиқилди. Шунингдек, сайёр суд мажлиси давомида Касби тумани ички ишлар бўлими Пробация гуруҳи назоратида турган икки нафар маҳкум муддатидан илгари шартли равишда озод этилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари мутасаддилари иштирокида Касби туманида тарғибот тадбири ўтказилди

Қашқадарё вилоят судлари раислари ва ўринбосарлари иштирокида аҳоли билан очиқ мулоқот қилиш, уларнинг ҳуқуқий саводхонлигини ошириш ҳамда қонунчиликдаги янгиликлар мазмунини аҳоли ўртасида кенг ёритиш мақсадида Касби тумани “Майманоқ” маҳалла фуқаролар йиғинида тарғибот тадбири  ўтказилди.

Тадбирда сўзга чиққан Қашқадарё вилоят суди раиси Абдуқаюм Маҳкамов суд-ҳуқуқ соҳасидаги ислоҳотлар, кенг қамровли ўзгаришлар, мамлакатимизда суд ҳокимиятининг мустақиллигини таъминлаш, суд тизимида одил судлов самарадорлигини ошириш, шу орқали халқимизнинг судларга бўлган қатъий ишончини мустаҳкамлаш борасида амалга оширилаётган ишлар, жамиятимизда инсон ҳуқуқ ва эркинликларини ҳурмат қилиш маданиятини шакллантириш орқали мамлакатимизнинг халқаро нуфузини янада ошириш борасида амалга оширилаётган ишлар хусусида ўз фикр-мулоҳазаларини билдирди.

Шунингдек, учрашув давомида жиноятчилик ва ҳуқуқбузарликларнинг олдини олиш, жамиятимизда оилани мустаҳкамлаш, уни асраб-авайлаш ва дахлсизлигини таъминлаш ҳамда ажршишларнинг олдини олишга алоҳида эътибор қаратиш муҳим масалалардан эканлиги таъкидланди.

 

Қашқадарё вилоят суди жамоатчилик ва ОАВ билан алоқалар бўлими

Ғузор туманида судьялар томонидан Ўзбекистон Республикаси Конституциясига киритилаётган ўзгаришларнинг мазмун-моҳиятини тушунтиришга бағишланган маърифий-ҳуқуқий тадбирлар ўтказилмоқда

Ғузор тумани “Мустақиллик” маҳалла фуқаролар йиғинида ташкил этилган тадбирда жиноят ишлари бўйича Ғузор тумани суди раиси Лазиза Расулова, Ғузор туманлараро иқтисодий суди раиси Нодир Хўжақуловлар иштирок этишди.

Тадбирда сўз олганлар судьялар “Ўзбекистон Республикаси Конституцияси тўғрисида“ги Ўзбекистон Республикаси Конституциявий Қонуни лойиҳаси ҳамда Референдум: унинг ташкилий-ҳуқуқий асослари ва босқичлари хусусида ўз фикр ва мулоҳазаларини билдиришди.

Иштирокчилар ўзларини қизиқтирган барча саволларга батафсил жавоблар олишди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят суди масъуллари иштирокида Яккабоғ туманида сайёр қабул ташкил этилди

Жиноят ва ҳуқуқбузарликларнинг олдини олиш, аҳолининг ҳуқуқий мавзудаги мурожаатларига ечим излашга қаратилган ишларни жонлантириш мақсадидаги Қашқадарё вилоят судлари раислари ва ўринбосарлари томонидан олис қишлоқ, маҳалла ва овулларда ўткзиб келинаётган сайёр қабулларнинг навбатдагиси Яккабоғ тумани “Ишкент” МФЙ да ўтказилди.

Ташкил этилган сайёр қабулда турли ижтимоий-иқтисодий масалаларда ҳуқуқий маслаҳат ва кўмак сўраб келган 29 нафар фуқароларнинг мурожаатлари тингланди. Ҳар бир мурожаат суд масъуллари томонидан атрофлича ўрганилди. Мурожаатлар назоратга олиниб, кўмак сўраб келган фуқароларга ҳуқуқий маслаҳатлар берилди.

Сайёр қабул доирасида ўтказилган сайёр суд мажлисида Яккабоғ туман ИИБ Пробация гуруҳи назоратида турган 10 нафар маҳкумларнинг ўталмай қолган жазосини муддатидан илгари шартли равишда озод қилиш ҳақидаги тақдимнома кўриб чиқилди ва мазкур фуқаролар жиноят ишлари бўйича Яккабоғ суди томонидан муддатидан илгари шартли равишда озод этилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят маъмурий судида давра суҳбати ташкил этилди

Қашқадарё вилоят маъмурий судида Қашқадарё вилоят Адлия бошқармаси билан ҳамкорликда “Ўзбекистон Республикаси Олий Мажлиси Сенатининг 2023 йил 14 мартдаги “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдумини ўтказиш ҳақида”ги қарори юзасидан давра суҳбати ташкил этилди.

Тадбирни Қашқадарё вилоят маъмурий суди раиси вазифасини бажарувчи Б.Қиличов очиб берди ва Ўзбекистон Республикаси Олий судининг 2023 йил 16 март кунидаги 11-107-23-сонли хати юзасидан маъруза қилиб, мазкур топшириқ хати ижросини муносиб таъминлаш лозимлигини таъкидлаб ўтди.

Шундан сўнг, Қашқадарё вилоят Адлия бошқармаси ходими Р.Рахмонов Ўзбекистон Республикаси Конституциявий Қонунининг лойиҳаси юзасидан маъруза қилди.

Давра суҳбати иштирокчилари мавзу юзасидан ўз фикр ва мулоҳазаларини билдиришди ва ўзларини қизиқтирган саволларга жавоблар олишди.

 

Қашқадарё вилоят суди жамоатчилик ва ОАВ билан алоқалар бўлими

Қарши туманлараро иқтисодий суди судьялари томонидан “Инсон ҳуқуқлари – олий қадрият” мавзусида учрашув ташкил этилди

Қашқадарё вилоят Юридик техникумида “Инсон ҳуқуқлари – олий қадрият” мавзусида учрашув ташкил этилди. Унда Қарши туманлараро иқтисодий суди раиси Л.Абдуллаев, судьялар У.Латипов, Ж.Ачилов, юридик техникуми ўқитувчилари ва талаба ёшлар иштирок этишди.

Тадбирда сўзга чиққан судьялар Ўзбекистон Республикаси Президентининг “Ўзбекистонда инсон ҳуқуқлари соҳасидаги миллий таълим дастурини тасдиқлаш тўғрисида”ги ПҚ-46-сонли Қарорига мувофиқ, Ўзбекистонда инсон ҳуқуқларини рағбатлантириш, ҳимоя қилиш ва уларга риоя қилиш масалалари давлат сиёсатининг устувор йўналишларидан бири ҳисобланиши, инсон ҳуқуқлари бўйича Ўзбекистон Республикасининг Миллий стратегияси доирасида шахсий, сиёсий, иқтисодий, ижтимоий ва маданий ҳуқуқларни таъминлаш борасида мақсадли чоралар амалга оширилаётганлигини таъкидлаб ўтишди. Шунингдек, инсон ҳуқуқлари соҳасида таълимни такомиллаштириш юзасидан ёшларни тенглик, инсон ҳуқуқларига амал қилиш ва камситмаслик руҳида тарбиялаш ҳамда инклюзив, тинч ва осойишта жамиятни яратишга имкон берувчи таълим беришга қаратилган вазифалар белгилаб берилганлиги хусусида ҳам ўз фикр ва мулоҳазаларини билдиришди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят суди томонидан “Коррупция – ривожланишимизга тўсиқ” мавзусида йиғилиш ташкил этилди

Жамиятда ижтимоий-маънавий муҳитга салбий таъсир кўрсатадиган коррупциявий омилларга қарши муросасиз курашиш ва жамиятда қонун устуворлигини таъминлашга барча бирдек масъулдир. Бу борада эса коррупциянинг келиб чиқишига имкон яратаётган шарт-шароитларни ўз вақтида бартараф этиш муҳим саналади. Қашқадарё вилоят суди томонидан “Коррупция – ривожланишимизга тўсиқ” мавзусида йиғилиш ташкил этилди.

Қашқадарё вилоят судида судьялар ва ходимларнинг оила аъзолари билан ҳамкорликда уларнинг касбий маҳоратини ошириш, коррупция ва хизмат мавқеини суистеъмол қилиш ҳолатларининг олдини олишга қаратилган доимий равишдаги ҳамкорлик йўлга қўйилган. Ташкил этилган навбатдаги йиғилишда ҳам вилоятдаги судлар судьялари, ходимлари ва уларнинг оила аъзолари иштирок этишди.

Йиғилишда судья ва суд ходими, ҳалол, ҳақиқатпарвар, ўзининг шахсий манфаатларини жамоатчилик манфаатлари билан мослаштириб бориши, шунингдек меҳнатсеварлик, хушмуомалалик, адолатли қарор чиқариш каби фазилатларини ўзида сингдириши ва аҳлоқий иммунитетини шакллантиришга алоҳида эътибор қаратиши лозимлиги таъкидланди.

 

Қашқадарё вилоят суди жамоатчилик ва ОАВ билан алоқалар бўлими

Skip to content