Shahrisabzda sudyalar ishtirokida o’quv-seminari tashkil etildi
Qashqadaryo viloyat sudi jinoyat ishlari bo‘yicha sudlov hay’ati sudyalari Fazliddin Choriyev, Fayyoza Qambarova, jinoyat ishlari bo‘yicha Yakkabog‘ tuman sudi raisi Adolat Hamrayeva, jinoyat ishlari bo‘yicha Shahrisabz tuman sudi raisi Shavkat Turdiyev va jinoyat ishlari bo‘yicha Shahrisabz shahar sudi raisi Navro‘z Ashurovlar ishtirokida Shaxrisabz tuman ichki ishlar bo‘limi binosida o‘quv-seminari tashkil etildi. Unda Shahrisabz va Yakkabog‘ tuman ichki ishlar bo‘limi hamda prokuraturasi xodimlari, advokatlar va boshqa ma’muriy organlarning huquqshunoslari ishtirok etishdi.
O‘quv-seminari sud qarorlarining qonuniyligi, asosliligi va adolatliligini tekshirish instituti takomillashtirilishi munosabati qonunchilikka kiritilgan o‘zgartirishlar yuzasidan tashkil etildi. Tadbirda so‘z olganlar O‘zbekiston Respublikasining “Sud qarorlarining qonuniyligi, asosliligi va adolatliligini tekshirish instituti takomillashtirilishi munosabati bilan O‘zbekiston Respublikasining Jinoyat-protsessual kodeksiga o‘zgartirish va qo‘shimchalar kiritish to‘g‘risida”gi 869-sonli, hamda “Sud qarorlarining qonuniyligi, asosliligi va adolatliligini tekshirish instituti takomillashtirilishi munosabati bilan O‘zbekiston Respublikasining Ma’muriy javobgarlik to‘g‘risidagi kodeksiga o‘zgartirishlar kiritish haqida”gi 884-sonli qonunining mazmun-mohiyatini ishtirokchilarga tushuntirib berishdi. Mazkur institutning amaliyotga tadbiq etilishida mavjud bo‘lgan muammolar hamda takliflar yuzasidan o‘zaro fikr almashildi.
Qashqadaryo viloyat sudi jamoatchik va OAV bilan aloqalar bo’limi