Деҳқонобод туманида сайёр суд мажлиси ўтказилди

Жиноят ишлари бўйича Деҳқонобод туман суди томонидан туман ҳокимлиги биносида очиқ сайёр суд мажлиси ўтказилди. Унда жамоатчилик вакиллари ва ёшлар иштирок этишди.

Сайёр суд мажлиси давомида 13 та маъмурий ҳуқубузарликка оид ишлар ва 1 та жиноят иши кўриб чиқилди. Суднинг ҳукми билан 4 нафар шахсга нисбатан маъмурий қамоқ жазоси тайинланди,  1 нафар шахс Ўзбекистон Республикаси Жиноят кодексининг 122-моддаси 1-қисми билан айбли деб топилиб, унга 6 ой муддатга озодликдан маҳрум қилиш жазоси тайинланиб, шу жойнинг ўзида қамоққа олинди.

Қашқадарё вилоят суди жамоатчилик ва ОАВ билан алоқалар бўлими

Шаҳрисабзда судьялар иштирокида ўқув-семинари ташкил этилди

Қашқадарё вилоят суди жиноят ишлари бўйича судлов ҳайъати судьялари Фазлиддин Чориев, Файёза Қамбарова, жиноят ишлари бўйича Яккабоғ туман суди раиси Адолат Ҳамраева, жиноят ишлари бўйича Шаҳрисабз туман суди раиси Шавкат Турдиев ва жиноят ишлари бўйича Шаҳрисабз шаҳар суди раиси Наврўз Ашуровлар иштирокида Шахрисабз туман ички ишлар бўлими биносида ўқув-семинари ташкил этилди. Унда Шаҳрисабз ва Яккабоғ туман ички ишлар бўлими ҳамда прокуратураси ходимлари, адвокатлар ва бошқа маъмурий органларнинг ҳуқуқшунослари иштирок этишди.

Ўқув-семинари суд қарорларининг қонунийлиги, асослилиги ва адолатлилигини текшириш институти такомиллаштирилиши муносабати қонунчиликка киритилган ўзгартиришлар юзасидан ташкил этилди. Тадбирда сўз олганлар Ўзбекистон Республикасининг “Суд қарорларининг қонунийлиги, асослилиги ва адолатлилигини текшириш институти такомиллаштирилиши муносабати билан Ўзбекистон Республикасининг Жиноят-процессуал кодексига ўзгартириш ва қўшимчалар киритиш тўғрисида”ги 869-сонли, ҳамда “Суд қарорларининг қонунийлиги, асослилиги ва адолатлилигини текшириш институти такомиллаштирилиши муносабати билан Ўзбекистон Республикасининг Маъмурий жавобгарлик тўғрисидаги кодексига ўзгартиришлар киритиш ҳақида”ги 884-сонли қонунининг мазмун-моҳиятини иштирокчиларга тушунтириб беришди. Мазкур институтнинг амалиётга тадбиқ этилишида мавжуд бўлган муаммолар ҳамда таклифлар юзасидан ўзаро фикр алмашилди.

 

Қашқадарё вилоят суди жамоатчик ва ОАВ билан алоқалар бўлими

Қашқадарё вилоят судида “Жамиятда аёл юристларнинг роли ва суд тизимида ишга жойлаштириш имкониятлари” мавзусида давра суҳбати бўлиб ўтди

Бирлашган миллатлар ташкилотининг Инсон ҳуқуқлари бўйича Олий комиссарининг Ўзбекистонга ташрифи якунлари юзасидан тавсияларини амалга ошириш, шунингдек, инсон ҳуқуқлари ва эркинликларини ҳимоя қилиш бўйича халқаро ҳамкорликни янада ривожлантириш мақсадида Ўзбекистон Республикаси Олий Мажлиси Сенати Кенгашининг 2023 йил 10 июндаги Қўшма қарори билан тасдиқланган Йўл харитасининг 15-бандида жамиятда аёл юристларнинг роли ҳақида ва суд тизимида ишга жойлаштириш имкониятлари тўғрисида аёлларнинг хабардорлигини ошириш бўйича ахборот кампанияларини ўтказиш назарда тутилган.

Шу мақсадда Қашқадарё вилоят судида “Жамиятда аёл юристларнинг роли ва суд тизимида ишга жойлаштириш имкониятлари” мавзусида давра суҳбати бўлиб ўтди. Тадбирга вилоятимиздаги ҳуқуқни муҳофаза қилувчи идораларда фаолият олиб борувчи ҳуқуқшунос хотин-қизлар ва бўлажак ҳуқуқшунос талабалар таклиф этилди.

Бугун мамлакатимизда хотин-қизларнинг ижтимоий фаоллигига алоҳида эътибор қаратилиши натижасида суд тизимида фаолият юритаётган хотин-қизлар сони ҳам салмоқли даражада кўпайди.

Биргина Қашқадарё вилоят судларида бугунги кунда 60 дан ошиқ  хотин-қизлар фаолият юритиб келишмоқда. Уларнинг ўз ишига масъулияти, берилган топшириқ ва вазифаларни ўз вақтида сифатли бажариши тизим нуфузининг ошишига ва одил судловга эришиш борасидаги ислоҳотларда муҳим омил бўлмоқда.

Тадбир давомида суд тизимига ишга кириш, ҳуқуқшунос номзодларнинг судьялик лавозимига тайинланиш тартиби ва имкониятлари тушунтириб ўтилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судида судьялар, прокуратура ва ички ишлар органларининг тергов хизмати ходимлари иштирокида семинар машғулоти бўлиб ўтди

Қашқадарё вилоят судида “Дастлабки тергов ва суриштирув органлари томонидан жиноят ишларини юритишда хато ва камчиликларга йўл қўймаслик ва мавжудларини бартараф этиш” мавзусида семинар машғулоти бўлиб ўтди. Унда Қашқадарё вилоят судининг жиноят ишлари бўйича судьялари, прокуратура ва ички ишлар органларининг тергов хизмати ходимлари ҳамда шаҳар ва туманлардаги ходимлари эса онлайн тарзда иштирок этишди.

Тадбирда сўз олганлар жиноят процессида инсон ҳуқуқ ва эркинликларини тўла таъминлаш, жамият ва давлат манфаатларини, мулкни, табий муҳитни, инсоният хавфсизлигини жиноий тажовузлардан ҳимоялаш, жиноятларни тез ва тўлиқ очиш, жиноят содир этган ҳар бир шахсга адолатли жазо берилиши ҳамда айби бўлмаган ҳеч бир шахс жавобгарликка тортилмаслиги хусусида ўз фикр-мулоҳазаларини баён этишди.

Шунингдек қонунни амалиётга тўғри тадбиқ этишда дастлабки тергов ва суриштирув органлари томонидан йўл қўйилаётган хато ва камчиликлар муҳокама қилиниб, уларни бартараф этиш, келгусида бундай ҳолатларга йўл қуймаслик чора-тадбирларини белгилаб олиш ва судлар томонидан тергов ҳамда суриштирув органларига нисбатан чиқарилган хусусий ажримлар,  далиллар мақбуллиги ҳамда оқлов ҳукми чиқарилган ишлар муҳокама қилинди.

Семинар машғулоти якунида юқорида муҳокама этилган масалалар юзасидан тегишли манзилли чора-тадбирлар белгиланиб, масъуллар олдига аниқ вазифалар қўйилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари мутасаддилари иштирокида Муборак туманида суд-ҳуқуқ масалалари бўйича сайёр қабул ташкил этилди

Қашқадарё вилоят судлари мутасаддилари томонидан жиноят ва ҳуқуқбузарликлар, никоҳдан ажратиш, тадбиркорлик субъектлари иштирокидаги низолар ҳамда фуқароларнинг мурожаатлари кўпайган ҳудудларда профилактика ишларини жонлаштиришга қаратилган сайёр қабуллар мунтазам ўтказиб келинмоқда.

Суд-ҳуқуқ масалалари бўйича ўтказиб келинаётган ана шундай сайёр қабулларнинг навбатдагиси Муборак тумани “Қарлиқ” маҳалла фуқаролар йиғинида ташкил этилди.

Мазкур сайёр қабулда турли ижтимоий-иқтисодий масалаларда ҳуқуқий маслаҳат ва кўмак сўраб келган 29 нафар фуқароларнинг мурожаатлари тингланди. Ҳар бир мурожаат суд масъуллари томонидан атрофлича ўрганилиб, кўмак сўраб келган фуқароларга ҳуқуқий маслаҳатлар берилди.

 

Қашқадарё вилоят суди жамоатчилик ва ОАВ билан алоқалар бўлими

Қарши туманлараро иқтисодий суди судьялари томонидан семинар ташкил этилди

Қарши туманлараро иқтисодий суди судьялари ҳамда
Қарши шаҳар Давлат солиқ инспекцияси ходимлари иштирокида семинар ташкил этилди.

Мазкур семинар «Давлат органлари билан муносабатларда фуқаролар ва тадбиркорлик субъектлари ҳуқуқларининг самарали ҳимоя қилинишини таъминлаш буйича кўшимча чоралар кўрилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Ўзбекистон Республикаси Қонуни ва Ўзбекистон Республикаси Олий суди Пленумининг 2023 йил 20 февралдаги “Судлар томонидан солиқ қонунчилигини қўллашнинг айрим масалалари ҳақида”ги
4-сонли қарорига бағишланди.

Тадбирда иштирокчиларга Қонуннинг мазмун-моҳияти ва аҳамияти хусусида батафсил тушунтиришлар бериб ўтилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари мутасаддилари иштирокида Касби туманида суд-ҳуқуқ масалалари бўйича сайёр қабул ташкил этилди

Қашқадарё вилоят судлари мутасаддилари томонидан жиноят ва ҳуқуқбузарликлар, никоҳдан ажратиш, тадбиркорлик субъектлари иштирокидаги низолар ҳамда фуқароларнинг мурожаатлари кўпайган ҳудудларда профилактика ишларини жонлаштиришга қаратилган сайёр қабулларнинг навбатдагиси Касби тумани “Соҳибкор” маҳалла фуқаролар йиғинида ташкил этилди.

Мазкур сайёр қабулда турли ижтимоий-иқтисодий масалаларда ҳуқуқий маслаҳат ва кўмак сўраб келган 25 нафар фуқароларнинг мурожаатлари тингланди. Ҳар бир мурожаат суд масъуллари томонидан атрофлича ўрганилиб, кўмак сўраб келган фуқароларга ҳуқуқий маслаҳатлар берилди.

Сайёр қабул доирасида жиноят ишлари бўйича Касби туман судининг сайёр суд мажлиси ўтказилиб, унда вояга етмаган ёки меҳнатга лаёқатсиз шахсларни моддий таъминлашдан бўйин товлаш билан боғлиқ ишлар кўриб чиқилди. Шунингдек, сайёр суд мажлиси давомида Касби тумани ички ишлар бўлими Пробация гуруҳи назоратида турган икки нафар маҳкум муддатидан илгари шартли равишда озод этилди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят судлари мутасаддилари иштирокида Касби туманида тарғибот тадбири ўтказилди

Қашқадарё вилоят судлари раислари ва ўринбосарлари иштирокида аҳоли билан очиқ мулоқот қилиш, уларнинг ҳуқуқий саводхонлигини ошириш ҳамда қонунчиликдаги янгиликлар мазмунини аҳоли ўртасида кенг ёритиш мақсадида Касби тумани “Майманоқ” маҳалла фуқаролар йиғинида тарғибот тадбири  ўтказилди.

Тадбирда сўзга чиққан Қашқадарё вилоят суди раиси Абдуқаюм Маҳкамов суд-ҳуқуқ соҳасидаги ислоҳотлар, кенг қамровли ўзгаришлар, мамлакатимизда суд ҳокимиятининг мустақиллигини таъминлаш, суд тизимида одил судлов самарадорлигини ошириш, шу орқали халқимизнинг судларга бўлган қатъий ишончини мустаҳкамлаш борасида амалга оширилаётган ишлар, жамиятимизда инсон ҳуқуқ ва эркинликларини ҳурмат қилиш маданиятини шакллантириш орқали мамлакатимизнинг халқаро нуфузини янада ошириш борасида амалга оширилаётган ишлар хусусида ўз фикр-мулоҳазаларини билдирди.

Шунингдек, учрашув давомида жиноятчилик ва ҳуқуқбузарликларнинг олдини олиш, жамиятимизда оилани мустаҳкамлаш, уни асраб-авайлаш ва дахлсизлигини таъминлаш ҳамда ажршишларнинг олдини олишга алоҳида эътибор қаратиш муҳим масалалардан эканлиги таъкидланди.

 

Қашқадарё вилоят суди жамоатчилик ва ОАВ билан алоқалар бўлими

Ғузор туманида судьялар томонидан Ўзбекистон Республикаси Конституциясига киритилаётган ўзгаришларнинг мазмун-моҳиятини тушунтиришга бағишланган маърифий-ҳуқуқий тадбирлар ўтказилмоқда

Ғузор тумани “Мустақиллик” маҳалла фуқаролар йиғинида ташкил этилган тадбирда жиноят ишлари бўйича Ғузор тумани суди раиси Лазиза Расулова, Ғузор туманлараро иқтисодий суди раиси Нодир Хўжақуловлар иштирок этишди.

Тадбирда сўз олганлар судьялар “Ўзбекистон Республикаси Конституцияси тўғрисида“ги Ўзбекистон Республикаси Конституциявий Қонуни лойиҳаси ҳамда Референдум: унинг ташкилий-ҳуқуқий асослари ва босқичлари хусусида ўз фикр ва мулоҳазаларини билдиришди.

Иштирокчилар ўзларини қизиқтирган барча саволларга батафсил жавоблар олишди.

 

Қашқадарё вилоят суди жамоатчилик ва ОАВ билан алоқалар бўлими

Қашқадарё вилоят суди масъуллари иштирокида Яккабоғ туманида сайёр қабул ташкил этилди

Жиноят ва ҳуқуқбузарликларнинг олдини олиш, аҳолининг ҳуқуқий мавзудаги мурожаатларига ечим излашга қаратилган ишларни жонлантириш мақсадидаги Қашқадарё вилоят судлари раислари ва ўринбосарлари томонидан олис қишлоқ, маҳалла ва овулларда ўткзиб келинаётган сайёр қабулларнинг навбатдагиси Яккабоғ тумани “Ишкент” МФЙ да ўтказилди.

Ташкил этилган сайёр қабулда турли ижтимоий-иқтисодий масалаларда ҳуқуқий маслаҳат ва кўмак сўраб келган 29 нафар фуқароларнинг мурожаатлари тингланди. Ҳар бир мурожаат суд масъуллари томонидан атрофлича ўрганилди. Мурожаатлар назоратга олиниб, кўмак сўраб келган фуқароларга ҳуқуқий маслаҳатлар берилди.

Сайёр қабул доирасида ўтказилган сайёр суд мажлисида Яккабоғ туман ИИБ Пробация гуруҳи назоратида турган 10 нафар маҳкумларнинг ўталмай қолган жазосини муддатидан илгари шартли равишда озод қилиш ҳақидаги тақдимнома кўриб чиқилди ва мазкур фуқаролар жиноят ишлари бўйича Яккабоғ суди томонидан муддатидан илгари шартли равишда озод этилди.

 

Қашқадарё вилоят суди жамоатчилик ва ОАВ билан алоқалар бўлими

Skip to content